හොයනවා මං තවම
යාලුවෙක්
හුස්ම ගන්නට අමතක වෙද්දි
හුස්ම ගන්න මතක් කරන්න පුලුවන්
එකම එක යාලුවෙක්
එක කුස නූපන්
ඒත් එක කුස උපන් සේ
බෙදා ගන්න පුලුවන් සෙනෙහසක්
තවම සොයනවා මං
යාලුවෙක්
දාහක් එක්ක බෙදා ගන්න නෙමෙයි
තනියම අයිතිය කියන්න පුලුවන්
එකම එක යාලුවෙක්
දඟ වැඩක් කරලා එකට හිනා වෙන්න
මෝඩ වැඩක් කරලා එකට අවුල් යන්න
හිත් සැනසෙන්න ලඟින් ඉන්න පුලුවන්
එකම එක යාලුවෙක්
හොයනවා මං තවම
එකට දුක් වෙන්න
එකට හිනැහෙන්න
තවම හොයනවා මං
එකම එක යාලුවෙක්
🌹🌹🌹💣

සමහර කාන්සි දවසට
තොර තෝන්චියක් නැතිව කියවන්න
නෝක්කාඩු කියන්න
රවන්න
අඩන්න
හිනා වෙන්න
ඇවිදින්න
ඇල්ලක් ළඟ නවතින්න
.
.
.
.
හිටියා නම් හොදම යහලුවෙක්
සමහර කාන්සි දවසට
ජීවිතේ ගලා යන්න.

🌹🌹🌹💣

වෙලාවකට හිතෙන එකම දේ ඇයි මිනිස්සු මිනිස්සුන්ව තේරුම් නොගන්නේ කියලා.
කෙනෙක් ගේ ජීවිතේ මේ තරම් අපහසුතා තියෙද්දි තම අරමුණ ඉෂ්ට කර ගන්න ඇයි මේ තරම් වෙහෙසෙන්නේ.

"අපි එනවා"
"කොහෙද?"
" ඔයාගේ ගෙදර "
"අර මොකෝ....😳"
" ඇවිත් යන්න , ගෙවල් දොරවල් බලන්න"
" මොකක්, ගෙවල් දොරවල් බලන්න .
අහවල් දේකටද ? " 😏
" නෑ ඉතින් ඇවිත් නෑනී"
" අනේ මෙහ්. උබලට ට්‍රිප් යන්න ඕනි නම් යනවකු වෙන කොහේ හරි , අපේ ගෙදර ඇවිත් බලන්න දෙයක් නෑ 😬😬 "
" ඔයා ඉන්නවා නී ගෙදර "
" මං නම් මේ මෙතනත් ඉන්නේ (මල සමයං) "
" ඇයි ඔයා අහවල් දවසේ එනවට අකමැති ඔච්චරම "
" ඇයි හත්වලාමේ, මිනිස්සු න්ට ප්‍රශ්න නැද්ද... මේ ටිකේ ගෙදර ප්‍රශ්න ඒකයි."
" අපෝ..... උබ අපි එනවට අකමැති නේද?
" කැමති විදියට හිතා ගන්න අනේ...
කියන නාහන එකා උඩින් ගියත් බිමින් ගියත් මට මොකෝ"
"  උබ නම් කුණියක්."
" වෙන්න ඇති බම්.... දන්නෑ ස්තුතී මතක් කලාට "
" තොපිට වහින්නෑ නේද"
" අහ්.... 😳 ඔය කීවේ තක්කෙටම... කෝමද දැන ගත්තේ..."
" අපි නාන්ඩ එන්නේ නෑ "
" නාන්න ආවත් දෙන්න වතුර නෑ"
( මුන්ට කියන සිංහල නොතේරෙන බබ්බුද මංදා 😡😡😡😡 ප්‍රශ්නය ක් නිසානී කියන්නේ.මෝඩයෝද?)

ජීවිතේ එකෙක්ට විනෝදයක් වෙන දේ තව කෙනෙක් ට ජීවිතේ තියෙන ලොකුම අපහසුව වෙන්න පුලුවන් . කෙනෙක් ට බලපෑම් කරන්න කිසිම කෙනෙක් ට අයිතියක් නෑ..

අපි ජීවත් වෙන මේ සමාජයේ අනෙකාගේ අපහසුතා ත් පොඩ්ඩක් තේරුම් අරං ජීවත් වෙන්න උත්සහ කරමු.

සුභ දවසක්...!!!

පපුව මැද හිස හොවාන තුරුලුව
මහා බර හුස්ම ටික ටිකෙන් ටික
මුදා හරිමින් සැනසෙන්න ම' සිතට
විසල් අහස යට මම තවම සොයමි නුබ

දින සති මාස ගෙවෙන වේගය
මටත් හොරෙන් මගෙන් ගිලිහෙන
මා හැගි දේ නොපසාම නුබට
යන්න ට වේද මට ඇතහැර ලෝකය

දැනේ මට බිය සංකා විටක සිතට
බර හුස්ම වැටෙන හැම කලකම
හිස තියන්න උරහිස කොහිද වග
විසල් අහස යට මම තවම සොයමි නුබ
🌹🌹🌹💣

බැඳීම් නිසාම අපි කොච්චර අසරණ වෙනවද? මං හිතන්නේම බැඳීම් තුළ මං හිර වෙලා නෑ කියලා මයි. ඒත් මං මහා පුදුම විදියට බැදීම් වල හිර වෙලා. ඒක හරි වදයක් සත්තකින්ම 😒😒😒.

"ලොකු,ගමෙ අම්මාට ෆෝන් එක දෙන්න"

"එයා කෝල් එකක්, ගමේ සීයට දෙන්නද්?"

"එයාව වැඩක් නෑ,අම්මා ට දෙනවකෝ"

(ගමේ අම්මෙ,පුංචි කෝල්...) අනෙක් පසින් ඇසේ..

පපුව හරි වේගෙන් ලබ් ඩබ් ලබ් ඩබ්...
තප්පරයට සීයක වේගයෙන් ගැහේ....

අම්මා එක්ක වල් පල් දොඩවලා ශේප් එකේ.

"මෙහ්, කැන්සර් වලට ඉවෙන්ට් එකක්"

"ඉතින්..."

" කොණ්ඩේ කපන්න කියලා විග් හදන්න"

"කොණ්ඩේ කපන්න😱😱😱"

අම්මා හීල්ලුවේ හරි යට බෙල්ල කපන්න යනවා වගේනේ 😶😡🔫🔫

පසු පසින්.... තාත්තා ගජරාමෙට දෙසනවා... අම්මෝ...

"මෙහ්, කට වහගෙන ෆෝන් එක තියාන් තාත්තා ගේ පෙෂර් වැඩි නොකර" ඒ සුපුරුදු අම්මා ය ☺️☺️☺️

"අනේ ඉතින් පින් අතේ වැඩක් නෙහ් අම්මා " නහයෙන් ඇඩුවේ මමය 😭😭😭

"නෑ නෑ ඕනි නෑ... පින් අතේ වැඩ වලට ඕනි තරම් දේ තියේ කරන්න "

" අයියූ අම්මා..."

"මෙහ් කොණ්ඩේ කොටටම කපන්න වෙනවා.එපා එපා 😡😡😡"

"අඟල් අටක් නෙ අෆ්ෆා...ඕක මොකක් ද අනේ☺️☺️"

"ගෙදර එන්න එපා ඒ නම්"

"හපෝ මේම නපුරු අය 🔫🔫🔫😕"

උදේ පාන්දර බැනුම් අහගෙන ඉන්නවා දැන් .

මට මාව අයිති නැති හැටියක්. ලේ දෙන්න ගියත් ඔහොම්මම යි. ඇයි ඒ කියලා තාම හිතා ගන්න බෑ...

කමක්නෑ දවසක මං දෙනවා කොණ්ඩේ . මාත් වැනෙන්නේ මමත් හිත හදාන නැති නිසානී.

😭😭😭😭

🌹🌹🌹💣
#මිතුලි

කොහේදෝ තැනක
නතර වුණ ඒ මේ හිත
අතරමං වෙලා
දෙලොවක...
අතීතයේ සිට
අනන්ත ය දෙසට
පිය මනින කල
තනිවෙලා...
සුසුම් විද විද
දැවටෙන්න පෙමක
හිත හොයයි
කුමරු හරසර...
නොයෙන මාවතක
ඔහුත් යන කල
බලා හිදිමි මම
නෙත් යොමා....

🌹🌹🌹💣

තනියට තනි රකින්න
අදත් එදා වගෙම
ළඟින් උන්නේ කඳුළු ම පමණකි....

නාඩන් මගේ මැණික
කියා කියන්න වත්
හෙවනැල්ල ක් වත්
ළඟ නැති කල
කඳුළ සමඟ කළුවර
තනිකම ට නෑකන් කියයී....

උණුසුම් උර හිසක
මූණ ඔබා සැනසුම් සූසුම්
හෙලන්නටවත් පින් මදි ය.....

උපන් අතීතයේ වන්දිය
ගෙවෙන්නට හැර
නූපන් අනාගතේ නිනව්වක් නොදැන
ජීවත් වෙන වර්ථමාන යේ
කඳුළ සමඟ කළුවර ට
පෙම් බදිමි.....

මට මමම මිස වෙන කවුරුන් හෝ නොමැත...

🌹🌹🌹💣